इ.10 वी 12 वी बोर्ड परीक्षा फेब्रुवारी-मार्च २०२३ परीक्षेपासून प्रश्नपत्रिका दहा मिनिटे अगोदर वितरीत करणेची कार्यपध्दती बंद....
उच्च माध्यमिक प्रमाणपत्र (इ. १२ वी) व माध्यमिक शालान्त प्रमाणपत्र (इ. १० वी) फेब्रुवारी-मार्च २०२३ परीक्षेपासून प्रश्नपत्रिका दहा मिनिटे अगोदर वितरीत करणेची कार्यपध्दती बंद....
या संदर्भात शिक्षण मंडळाकडून एक परिपत्रक निर्गमित केले आहे...त्या विषयी सविस्तर माहिती पुढे पहाणार आहोत... यापूर्वी इ. 10 वी व 12 वी ची बोर्ड परीक्षा देणाऱ्या विध्यार्थ्याना प्रत्यक्ष परीक्षा सुरु होण्या पूर्वी, विध्यार्थ्याना प्रश्नपत्रिका पूर्णपणे समजावी तिचे चांगल्याप्रकारे आकलन व्हावे यासाठी प्रश्नपत्रिका 10 मिनिटे लवकर देण्यात येत होती.
म्हणजेच यापूर्वी आपल्याला सकाळ-सत्रामध्ये सकाळी 10:30 आणि पूर्वी एक्झाम हॉलमध्ये उपस्थित राहणे आवश्यक आहे, त्याच प्रकारे दुपार सत्रा मध्ये दुपारी दोन वाजून 30 मिनिटांपूर्वी परीक्षा दालनात उपस्थित राहणे आवश्यक होते
त्यानुसार सकाळसत्रा मध्ये आपल्याला 10 : 50 मिनिटांनाच प्रश्नपत्रिका देण्यात येत होती त्याचा हेतू म्हणजे प्रश्नपत्रिकेचे आकलन विद्यार्थ्यांना पूर्णपणे व्हावे. त्यानंतर सकाळ-सत्रामध्ये अकरा वाजता व दुपार सत्रामध्ये तीन वाजता आपण प्रत्यक्ष पेपर लिहिण्यास सुरुवात करत होतो...
परंतु या सर्व गोष्टीचा काहीजण दुरुपयोग करत होते म्हणजेच प्रश्नपत्रिका मोबाईलवर तसेच अन्य समाज माध्यमातून व्हायरल झाल्याच्या अफवा व काही प्रमाणामध्ये अशा घटना घडल्याचे निदर्शनास आलेले आहे.
इ. १० वी व इ. १२ वी च्या परीक्षा विद्यार्थ्यांच्या जीवनातील एक महत्वपूर्ण टप्पा असल्यामुळे पालक व समाज घटक यांचे या परीक्षांकडे बारकाईने लक्ष असते. पेपरफुटीच्या अशा अफवांमुळे परीक्षार्थ्यांच्या मनात संभ्रम निर्माण होतो. तसेच यामुळे मंडळाची प्रतिमा जनमानसात मलिन होते. यापूर्वी परीक्षा दालनात परीक्षार्थ्यांना परीक्षा सुरू होण्यापूर्वी १० मिनिटे अगोदर प्रश्नपत्रिकांचे वितरण केल्यामुळे परीक्षा केंद्रावर निर्धारीत वेळेनंतर पोहोचणा-या विद्यार्थ्यांच्या मोबाईलमध्ये प्रश्नपत्रिकेचा आशय आढळून आल्याच्या घटना निदर्शनास आलेल्या आहेत.
अशा प्रकारच्या घटनांना प्रतिबंध व्हावा तसेच परीक्षा भयमुक्त व कॉपीमुक्त वातावरणात सुरळीत पार पडाव्यात यासाठी परीक्षेच्या निर्धारीत वेळेपूर्वी दहा मिनिटे अगोदरप्रश्नपत्रिका वितरीत करण्याची सुविधा फेब्रुवारी-मार्च २०२३ परीक्षेपासून रद्द करण्यात येत आहे.
सर्व परीक्षायांनी परीक्षेच्या निर्धारीत वेळेपूर्वी किमान अर्धा तास अगोदर परीक्षा केंद्रावर पोहोचण्याच्या सूचना शाळा व कनिष्ठ महाविद्यालयांमार्फत परीक्षाथ्यांना देण्यात आलेल्या आहेत.
